Lideri i Aleancës për Ardhmërinë e Kosovës, Ramush Haradinaj, ka konfirmuar se është i njoftuar për largimin e deputetes Melihate Tërmkolli, ndërsa i ka uruar asaj suksese.
“Jam i njoftuar me vendimin e znj. Melihate Tërmkollit. E falënderoj për bashkëpunimin dhe i dëshiroj suksese”, ka thënë Haradinaj, transmeton Koha.net.
Melihate Tërmkolli kishte dhënë dorëheqje nga Kryesia e LDK-së më 17 mars të vitit 2010. Deri në atë kohë, Tërmkolli mbante pozitën e Kryetares së Forumit të Gruas të Lidhjes Demokratike të Kosovë.
Kalimi i saj në AAK ishte zyrtarizuar më 30 prill të vitit 2010.
Nesër, më 14 shkurt, LDK ka konfirmuar për KTV-në se do të mbajë një koferencë për media me ç’rast do të zyrtarizohet kthimi i Tërmkollit në LDK.