Deputeti i Lëvizjes Vetëvendosje, Rexhep Selimi, thotë se edhe pse janë bërë 7- vite që kur është shpallë Pavarësia e vendit, Kosova nuk ka arritur aty për ku është nisur.
“7-vite pas shpalljes së Pavarësisë, Kosova nuk ka arritur aty për ku është nisur. Para 7-viteve është shpallur Pavarësia, dhe nuk janë bërë hapat e duhur përtej saj.Më shumë sot shënojmë shpalljen e Pavarësisë, se sa ditën e Pavarësisë”, ka thënë Selimi në një bisedë për Indeksonline.
Sipas Selimit, ata që e shpallën pavarësinë, me bisedimet me Serbinë e kontestuan atë.
“Ata që e shpallën Pavarësinë me bisedimet me Serbinë e kontestuan atë, duke e kontestuar i bie që edhe e mohuan atë. Për shkak se nuk do të duhej të negociohej pavarësia, pas shpalljes së re, që i bie se kushdo që e ka negociuar i ka rënë pishman pas shpalljes së Pavarësisë”, ka shtuar Selimi. /Indeksonline/