Policia e Kosovës gjatë një aksioni ka konfiskuar armë fshatin Gjonaj, Krajk dhe Piranë. Aksioni është realizuar me vendim të Gjykatës Themelore të Prizrenit.
Komunikata e plotë e Policisë së Kosovës
Fshati Krajk, Prizren 25.02.2015 – 06:15. Njësiti policor ka bërë bastisje në shtëpinë e të dyshuarit mashkull K/Shqiptar dhe gjatë bastisjes kanë gjetur dhe konfiskuar tri pistoleta të llojeve të ndryshme dhe rreth 23 fishekë të kalibrit 7.62 dhe 7.65. Rasti shkon në procedurë të rregullt.
Fshati Gjonaj Has, Prizren 25.02.2015-06:00. Në bazë të urdhëresës së lëshuar nga Gjykata Themelore në Prizren është bastisur shtëpia e të dyshuarit mashkull K-Shqiptar dhe gjatë kontrollit është gjetur dhe konfiskuar një pushkë e llojit M-48.Me urdhër të prokurorit rasti shkon në procedurë të rregullt.
Fshati Piran, Prizren 25.02.2015-06:00. Në bazë të urdhëresës së lëshuar nga Gjykata Themelore në Prizren është bastisur shtëpia e të dyshuarit mashkull K-Shqiptar dhe gjatë kontrollit janë gjetur dhe konfiskuar një armë e llojit AK-47,26 fishekë si dhe një karikator. Me urdhër të prokurorit rasti shkon në procedurë të rregullt.