Kryetari i Komunës së Malishevës, Ragip Begaj, ka pritur përfaqësuesit e Ministrisë së Administrimit të Pushtetit Lokal (MAPL), i drejtuar nga Agron Maxhuni, udhëheqës i departamentit ligjor dhe për monitorimin e komunave në MAPL, me të cilët kanë biseduar për planin e veprimit për Marrëveshjen e Stabilizim Asocimit (MSA) për Komunën e Malishevës.
Më pas, në prani edhe të drejtuesve të drejtorive komunale dhe zyrtarit komunal për integrime evropiane, është prezantuar plani i veçantë për Komunën e Malishevës, plan i cili ka të bëjë me realizimin e obligimeve nga agjenda evropiane.
Prezantimin e obligimeve apo planin e veprimit për MSA, e bëri zyrtari për standarde evropiane në MAPL, Yll Valla, ndërsa drejtorët e drejtorive dhe zyrtarët tjerë komunal, janë njoftuar me obligimet që kanë drejtoritë përkatëse komunale, në raport me MSA-në. /PrizrenPress.com/