Gjatë muajve të ardhshëm, 12 anëtarë të stafit akademik të Kolegjit Universum, do të ndjekin trajnime të avansuara në fushën e mësimdhënies për zhvillim të qëndrueshëm në 4 universitete evropiane edhe atë në Universitetin e Limerickut në Irlandë, Universitetin Leuphana në Luneburg të Gjermanisë, Universitetin e Gracit, Austri dhe Universitetin BOKU në Vienë, praktika mësimdhënie të cilat do ti bartin pastaj në punën e tyre me studentët në Universum.
Gjithë ky zhvillim bëhët në kuadër të projektit Consus, i financuar nga një grant prej 1.1 milion euro përmes rogramit Tempus të Bashkimit Evropian, ku Universum është pjesë e konsorciumit.
“Projekti Consus i cili për synim ka të zhvilloj bashkëpunimin shkencë-shoqëri në inovacion të qëndrueshëm, do ti mundësoj Kolegjit Universum dhe partnerëve tjerë të zhvillojnë burime të reja mësimore te cilat ngërthejnë koncepte nga zhvillimi i qëndrueshëm dhe forcojnë bashkëpunimin me shoqërinë civile dhe komunitetin e biznesit; të trajnohen në mbi 16 metodologji të reja të mësimdhënies dhe të zbatojnë gjithë këto metoda në praktikë, në punën e tyre me studentët në Universum”.
Kolegji Universum është shumë aktiv në fushën e ndërkombëtarzimit dhe përveç pjesëmarrjes në projekte nga Bashkimi Evropian, ofron edhe mundësi të diplomave të dyfishta me Universitetet Middlesex dhe Grimsby në Mbretëri të Bashkuar dhe Universitetin Arel nga Stambolli i Turqisë. Së fundi, Universum ka filluar të ofroj lëndën për Konkurrueshmëri dhe Strategji Biznesi, zhvilluar dhe autorizuar nga Harvard Business School.