Janë bërë tre muaj prej kur Kosova konstituoi institucionet e saj udhëheqëse, por edhe pas kaq kohësh ekzekutivi e legjislativi ngjajnë si të jenë në pushim.
As kriza gjashtë mujore pas zgjedhjeve nuk i ndezi motorët e institucioneve udhëheqëse. Prej konstitumit Qeveria ka dërguar fare pak ligje në Kuvend, ndërkohë seancat plenare pa material diskutimi shndërrohen në arena akuzash e kundër akuzash, raporton KTV.
Driton Selmanaj nga KDI-ja e quan Qeveri përtace këtë të Isa Mustafës, ndërsa me këtë dinamikë të punës së Kuvendit thotë se nuk pret të miratohet as 30% e planit legjislativ.
Edhe Petrit Zogaj nga lëvizja FOL e ka kritikuar ashpër këtë dinamikë të ulët të punës së Qeverisë dhe Kuvendit, transmeton Koha.net.
Nuk dihet nëse Kuvendi i Kosovës do të ketë seancë këtë javë, meqë as kryesia nuk e ka zhvilluar mbledhjen e saj të rregullt.