Studentët e Fakultetit Ekonomik, ankohen se dekani i Fakultetit Ekonomik Skënder Ahmeti dhe prodekani Safet Merovci, po i kushtëzojnë me blerje të librit të tyre, në mënyrë që të kalojnë provimin.
Sipas studentëve, libri Kontabiliteti i Menaxhmentit, i profesorit Skënder Ahmeti kushton mbi 10 euro. Botimin e tij e ka financuar Kolegji “Iliria”. Varësisht kësaj, ata studentë që duan t’i shmangen telasheve në provim tek ky profesor, detyrohen ta blejnë librin,shkruan Tribuna.
Studenti i vitit të parë i studimeve Master në Fakultetin Ekonomik, flet në kushte anonimiteti për gazetën, lidhur me detyrimin që këta profesorë po iu bëjnë studentëve për blerje të librave të tyre.