Katër persona, tre vëllezër dhe babai i tyre, janë vënë në pranga pasi iu janë gjetur në banesë një sasi e konsiderueshme lëndësh shpërthyese, municione luftarake dhe bimë narkotike.
Sipas burimeve zyrtare të policisë së kryeqytetit, mësohet se komisariati Nr. 5 sot ka përfunduar me sukses operacionin “Mëngjesi”, gjatë të cilit janë arrestuar në flagrancë 3 vëllezerit: Osman, Selim dhe Arben Çerpja si dhe babai i tyre Sali Çerpja.
Nga kontrolli i ushtruar në banesat e tyre janë gjetur dhe sekuestruar 12 kallëpe tritoli, 700 kapsolla detonatori, aparate shpërthimi detonatorësh elektrikë, përcjellës, rreth 500 fishekë të kalibrit të ndryshme, 1 pistoletë Bereta, 1 armë gjahu teke, 1 pushkë.
Përpos lëndes shpërthyese dhe municioneve policia ka gjetur edhe mbi 100 rrenjë bimë e dyshuar si kanabis-sativa me lartësi 40 cm si dhe 100 gram hashash./ABC