Prokuroria Themelore në Prizren ka filluar hetimet rreth mbytjes së dy fëmijëve në fshatin Sërbicë, Leotrim dhe Leonard Bytyçi.
Kryeprokurori Sylë Hoxhaj thotë se për këtë rast janë intervistuar katër persona.
“Ne kemi filluar hetimet. Nëse ka elemente të vepres penale sigurisht se do të veprojmë”, tha Hoxhaj.
Fëmijët e familjes Bytyçi, Leotrimi dhe Leonardi, janë mbytur në një gropë në kodër të fshatit Sërbicë të Prizrenit.
Trupat e pajetë të Leotrimit 11-vjeçar dhe djalit të xhaxhait të tij, Leonardit, 9-vjeçar, janë varrosur mes dhembjesh e lotësh të mërkurën në mesditë./PrizrenPress.com/