Toka ka hyrë në një periudhë të re të shfarosjes. Kështu thuhet në një studim nga tre universitete amerikane. Njerëzit mund të jenë viktimat e para të kësaj periudhe.
Raporti, i përpiluar nga universitetet e Stanford, Princeton dhe Berkeley, thotë se vertebrorët po zhduken me një shpejtësi 114 herë më të lartë se normalja.
Një nga autorët e studimit tha se kjo është faza e gjashtë e madhe e shfarosjes, që ka njohur Toka.
Faza e fundit ishte këtu e 65 milionë vjet më parë, kur dinosaurët u zhduken nga Toka, me shumë gjasë kur një meteor goditi planetin tonë.
“Nëse e lejojmë të vazhdojë, jetës do i duhen miliona vite për ta marrë veten dhe vetë speciet tona do jenë të parat që do zhduken”, tha autori kryesor i studimit, Gerardo Ceballos. /Mapo/