Komuna e Prishtinës në bashkëpunim me Ambasadën e Francës në Kosovë dhe Aleancën Franceze të Prishtinës, organizon në një mbrëmje koncertesh, sot (e diele 21 qershor) nga ora 20:00 deri në orën 23:30 për të festuar Festën e Muzikës.
Në skenën e amfiteatrit “Zahir Pajaziti”, do të performojnë dy grupe franceze, “Bojan Z” dhe grupi “Modern Times”. Po ashtu, për herë të të parë në Prishtinë do të këndojë këngëtarja Brandly Butler, në ora 20:00 si dhe grupi pop Penditif, në ora ora 21:30.
Organizimi i këtij manifestimi bëhet në partneritet me krijuesit dhe interpretuesit vendorë dhe të huaj të cilët do të ftohen të performojnë zhanre të ndryshme të muzikës, në skenat e pajisura me teknike dhe instrumente adekuate, të vendosura në lokacione/lagje të ndryshme në qytetin e Prishtinës, dhe në sheshin “Zahir Pajaziti” e sheshin “Skënderbeu”.
“Fête de la Musique” e njohur si “Dita Botërore e Muzikës”, është festival vjetor i muzikës që zhvillohet në mbarë botën më datë 21 qershor, në ditën e parë të verës. /PrizrenPress.com/