Parlamenti Studentor i Universitetit te Prizrenit “Ukshin Hoti” e ka pritur me shqetësim lajmin për arrestimin e dy profesorëve të këtij Universiteti, nën dyshimin për kryerjen e veprave penale dhe kushtëzimin e studentëve me motive të ulëta.
“Ne si Parlament Studentor i Universitetit “Ukshin Hoti” në Prizren e përshëndesim vendimin e Rektorit të këtij Universiteti, Prof. Dr. Ramë Vataj për suspendimin e profesorit të arrestuar nga policia, B. Z. i cili është nën hetime për keqpërdorim të detyrës zyrtare, bashkë me profesorin tjetër të angazhuar B. A., i cili për fat të mirë më nuk është në marrëdhënie pune me Universitetin”, thotë kryetari i PS i UPZ-së, Nehat Gashi.
“Parlamenti Studentor i bënë thirrje organeve të drejtësisë që të kryejnë detyrën e tyre karshi ligjit dhe dispozitave që kanë, dhe nëse vërtetohet fajësia e tyre, atëher le të marrin dënimin e merituar”.
“Gjithashtu i bëjmë thirrje të gjithë profesorëve që të sillën me studentë në bazë të Kodit të Etikës dhe rregullave të brendshme të Universitetit”, apelon Gashi. /PrizrenPress.com/