Një figurë e rëndësishme e Shtetit Islamik nga Tunizia, që kujdesej për rekrutimin e luftëtarëve të huaj, është vrarë gjatë një sulmi amerikan me dron në Siri.
Lajmin e bëri të ditur Pentagoni.
Tariq bin Tahar al-Awni al-Harzi mblidhte fonde për Shtetin Islamik dhe mbikëqyrte përpjekjet për të sjellë luftëtarë nga Europa.
Departamenti i Shtetit e kishte emërtuar ‘emiri i kamikazëve’.
Sipas WSJ, Harzi mblidhte para për Shtetin Islamik.
Në një rast ai transferoi 2 milionë dolarë nga një financier nga Katari.
Departamenti i Shtetit thotë se ai rekrutonte luftëtarët nga Anglia, Shqipëria dhe Danimarka, transmeton Mapo.
33-vjeçari u vra një ditë pasi vëllai i tij, Ali, u vra në një sulm tjetër amerikan në Irak.
Ali Harzi dyshohej për rolin e tij në sulmin e vitit 2012 në Bengazi, ku humbi jetën ambasadori amerikan.