Aktori i mirënjohur ameriakn, Armand Assante, sot ka vizituar edhe komunën e Prizrenit ku është pritur nga kryetari Muja dhe bashkëpunëtorë të tij.Armand Asante, i cili ka luajtur në shumë projekte filmike dhe ka një emër të çmuar në Holivud, është duke qendruar në Kosovë ku janë duke u bërë xhirimet e filmit “Requiem for Europe”, i regjisorit kroat, Jakov Sedllar.
Ai sot është pritur ngrohtësisht në rezidencën e kryetarit të Prizrenit, Ramadan Muja, i cili i vlerësoi jashtëzakonisht të arriturat e aktorit amerikan, dhe njëherit e falënderoi atë për vizitën që po i bënë edhe Prizrenit. Ndërkaq, vet aktori, Armand Asante, pati gojën mbushur plotë me fjalë të mira për Prizrenin, qytetarët dhe pritjen që i është bërë sot atij.
Ai tha se Kosova ka një histori të jashtëzakonshme, ajo nëpër çka keni kaluar është e vështirë, por është mrekulli se si ja keni dal mbanë, ka thënë aktori amerikan. Përkrah Asantes është edhe aktori i njohur kosovar Mensur Safqiu. Ai tha se Kosova për momentin nuk duhet të presë, por ka nevojë për ndihmën e secilit prej nesh si individ për që ecë përpara.
Përveç Safqiut, në këtë film marrin pjesë edhe artistet shqiptare Inva Mula, Ermonela Jaho, e Gresa Pallaska. Ato do të performojnë krah aktorëve të mëdhenj të Hollivudit si Martin Shin, Sharlot Remplling, Derek Xhejkobi etj. Për dallim nga zyrtarët amerikanë që veprojnë në Kosovë të cilët hezitojnë të takohen me Ramadan Mujën, një gjë aspak të vështirë nuk e pati emri i njohur i kinematografisë botërore, Armand Asante…/tv prizreni/