George Michael, prej një viti ndjek rregullisht një qendër rehabilitimi, për shkak të varësisë ndaj drogës. Lajmi është bërë i ditur për britaniken “The Sun” nga një i afërm i këngëtarit të famshëm britanik.
Sipas këtij burimi, gjendja e tij ishte përkeqësuar tej mase nga varësia e 52 – vjeçarit ndaj krakut, kokainës, alkoolit e marijuanës.
Të frikësuar se po e çonte veten drejt vdekjes, familjarët e Michael iu lutën atij që të shkonte në një klinikë në Zvicër, vitin e shkuar.
Sipas “The Sun”, artisti me famë botërore, i cili ka realizuar disa hite të famshme si “Careless Whispers”, “Faith”, “Freedom” etj, vijon të shkojë rregullisht në këtë qendër.