Gjykata Themelore në Prizren i ka hequr të gjitha masat e sigurisë, profesorit të Universitetit të Prizrenit, Bashkim Zahiti, që akuzohet për keqpërdorim të detyrës apo autoritetit zyrtar.
Profesori ishte arrestuar më 19 qershor të këtij viti, kur edhe gjykata i kishte caktuar masën e paraburgimit njëmujor. Mirëpo, me këkresë të avokatit që ka apeluar masën e paraburgimit, Gjykata Themelore e Prizrenit, pas kthimit të lëndës në rigjykim nga Gjykata e Apelit në Prishtinë, ka vendosur që Zahitit t’i caktohet masa e paraqitjes në polici, që me vendimin e fundit, duke refuzuar kërkesën e prokurorisë i është hequr.
Avokati i profesorit, Naser Sopjani, shprehet i bindur se lënda nuk ka prova, ndaj si e tillë nuk duhet vazhduar.
“Besoj se shumë shpejtë edhe prokuroria do të bindet se nuk ka asnjë provë materiale kundër të mbrojturit tim dhe do ta pushojë hetimin, duke duke mos pasur nevojë që lënda të shkojë fare në gjykatë”.
Klan Kosova javë më parë ka realizuar një intervistë me avokatin Sopjani, ku ai sqaron dyshimet e tij lidhur me një tendencë të mundshme dhe montim të rastit ndaj klientit të tij