Ish anëtari i One Driection, Zayn Malik ka nënshkruar kontratë me kompaninë e incizimeve “RCA Records” derisa ka thumbuar ish bendin e tij duke thënë se e ka braktisur për të bërë muzikë të vërtetë.
22-vjeçari ka postuar në rrjetet sociale një fotografi duke nënshkruar kontratën me përshkrimin se “është i lumtur që tash e tutje do të vazhdojë solo”.
“Mendoj se asnjëherë nuk e sqarova pse u largova, ishte ndoshta momenti të kem mundësinë të ju tregoj kush jam unë në të vërtetë”, ka shkruar Zayn.
Zayn u largua nga One Directon pasi insistoj se ai dëshironte të ishte një 22-vjeçar normal.
Ai në kohën kur e braktisi bendin, pati thënë: “Jeta ime me One Direction ka qenë më shumë se që e kam imagjinuar. Por, pas pesë viteve, ndihem se është koha e duhur të braktis bendin”.
Njëherësh, Zayn u kishte kërkuar falje adhuruesve, duke thënë se duhet të veprojë ashtu siç ndihet se është e drejtë për të.