Revista franceze “Oops!” ka humbur betejen ligjore me Leonardo DiCaprion dhe duhet t’i paguajë atij 8 mijë euro dëmshpërblim, pasi deklaroi se priste një fëmijë nga Rihanna.
Në numrin e muajit Maj të revistës, titulli kryesor i saj ishte: “Rihanna shtatzënë me fëmijën e Leonardos: Ai nuk e do fëmijën”.
Siç shkruan “JustJared”, pronari i “Oops”, Frederic Truskolaski, pranoi se nuk e dinin nëse Rihanna ishte shtatzënë: “Menduam se mund të ishte, por sigurisht nuk ishim të sigurtë”, deklaroi Truskolaski.
Gjykata vendosi që revista kishte dhunuar të drejtën strikte të privacisë. Vetë pronaroi i “Oops” tha se e prisnin këtë vendim, pasi në Francë, çdo revistë që flet për jetën private të personazheve të famshme, dënohet automatikisht.
Lajmi për shtatzëninë e Rihannës me DiCaprion, erdhi në një kohë kur dy personazhet e famshme u përfolën se mund të kishin një lidhje dashurie, zëra që nuk u vërtetuan ndonjëherë.
