Policia dhe inspektorët komunal në Prizren, kanë denoncuar në gjykatë lokalet që nuk ju kanë përmbajtur orarit të punës.
Zëdhënësi i PK-së në Prizren, Hazir Berisha tha se aksioni i kontrollimit të lokaleve është realizuar në orët e vona të natës.
“Me qellim të ruajtjes së rendit dhe qetësisë publike në qytetin e Prizrenit, në bashkëpunim me inspektorët komunal, gjatë orëve të vona të natës janë kontrolluar gjatë lokale afariste në lokacione të ndryshme për të vërtetuar nëse këto subjekte i përmbahen orarit të punës të miratuar nga administrata komunale”, tha Berisha.
Lokalet e ndëshkuar janë: “Cobra City” në Landovicë, janë shqiptuar dy fletëparaqitje për gjykatë; “Skënderbeu” në lagjen Arbanë, tri fletëparaqitje; “Alcapone” në Korishë, tri fletëparaqitje; “Emona” në Prizren, tri fletëparaqitje; “Paradiso” në Lagjen “Bajram Curri”, dy fletëparaqitje dhe “kristal” në Lagjen “Bajram Curri” dy fletëparaqitje.
“Drejtoria Rajonale e Policisë në Prizren apelon tek të gjitha subjektet afariste hoteliere që ta respektojnë orarin e punës me qellim të ruajtjes së rendit dhe qetësisë publike sepse operacioni për kontrollimin e këtyre lokaleve, në bashkëpunim me inspektorët komunal vazhdon në tërë rajonin tonë”, tha Berisha./PrizrenPress.com/