Deputeti i NISMA-s për Kosovën, Zafir Berisha, i ka kërkuar kryeprokurorit të shtetit, Aleksandër Lumezit, që të formoj një Task Forcë për të luftuar krimin dhe korrupsionin në Prizren që ka marr përmasa alarmante.
“Gjendja e fundit e krijuar në Prizren kërkon një përqendrim të organeve të drejtësisë për ta rikthyer gjendjen normale në këtë qytet që është përfshirë nga skandalet në të gjitha resorët e qeverisë lokale, ku dhjetëra zyrtarë politikë e administrativ janë përfshirë si një bandë e organizuar nën petkun partiak në krim të organizuar, korrupsion, kidnapime, haraç, fajde për të realizuar pasurimin në kurriz të qytetarëve dhe pasurisë publike duke zhvatur taksat e qytetarëve”, ka shkruar Berisha në rrjetin e tij social Facebook.
Sipas Berishës arresimi i drejtorit të arsimit në Prizreni, është vetëm një nga shumë rastet e rënda të shkeljes të ligjit në këtë qytet. Ai përmendi edhe ndikimet që ka politika në organet e drejtësisë.
“Duke filluar nga vet Ramadan Muja si kryetar i qytetit, të gjithë janë involvuar si një bandë në krim të organizum duke degraduar qytetin e Prizrenit deri në shkallën e papërballueshme. Nisja e hetimeve edhe pse me vonesë ndaj zyrtarëve të Urbanizmit dhe Ispektoriatit besoj shumë se i hap rrugë hetimeve që duhet ti bëhen fenomenit të tenderomanisë në Shëndetësi, ku Muja përmes djalit të vet besoj se është i involvuar, si dhe Shërbimeve Puplike ku dyshoj se janë të involvuar edhe koka e krimit që gjendet në Prishtinë”, shkruan më tej Berisha. /PrizrenPress.com