Gjatë ditës së sotme, kryetari i Komunës së Rahovecit, Idriz Vehapi, i shoqëruar nga drejtoresha e Arsimit, Vjollca Vuçiterna, kanë vizituar Shkollën Lartë të Mesme Profesionale “Selajdin Mullaabazi-Mici” dhe ShM “Xhelal Hajda-Toni” në qytetin e Rahovecit.
Vehpi, gjatë vizitës, u prit nga drejtorët dhe profesorët e të dy shkollave, dhe u interesua për mbarëvajtjen e procesit mësimor, për funksionimin e nxehjes qendrore dhe për temat të cilat ishin në interes të stafit të të dy shkollave.
Për funksionimin e nxehjes qendrore dhe për procesin e mësimit, kryetari u informua nga drejtorët dhe profesorët e të dy shkollave ku thanë se sa i përket nxehjes është duke funksionuar mirë dhe ambienti i shkollës është i ngrohtë, kurse për procesin e mësimit u shprehen se nuk kanë ndonjë problem të theksuar në mbarëvajtjen e procesit mësimit dhe mësimi është duke vazhdon normalisht.
Remzie Cana, drejtoreshë në ShM “Xhelal Hajda-Ton”, kërkojë që të rrethohet oborri i shkollës dhe te rregullohet parkingu.
Ndërkaq, Vehapi në përgjigjen e tij tha se pas përfundimit të punëve në rrugën që do të lidhe rrugën “Gëzim Hamza-Piktori” me rrugën “28 Nëntori”, do të shikohet mundësit për rrethimin e oborrit dhe rregullimin e parkingut. /PrizrenPress.com