Kryeministri i Shqipërisë, Edi Rama, në konferencën e përbashkët për media me Sekretarin e Shtetit amerikan, John Kerry, ka njoftuar për takimin që ka zhvilluar me zyrtarin e lartë amerikan.
Veç temave të brendshme, Rama thotë se ka folur edhe për çështjet në rajon, sidomos në shtetet ku jetojnë shqiptarët.
Rama tha se Kosova duhet ta vazhdojë dialogun me Serbinë drejt normalizimit të raporteve mes tyre.
“Nuk është dialog i lehtë, por është padisukutim e vetmja rrugë drejt suksesit”, theksoi Rama.
Më tej, Rama potencoi edhe njëherë përkrahjen që Kosova ka nga dy aleatët e saj më të mëdhenj, Shqipërinë dhe ShBA-të.
“Kosova do ta ketë mbështetjen e dy aleatëve më të mëdhenj të saj, Shqipërisë dhe Amerikës”, potencoi Rama.