Deputeti i Nisma për Kosovën, Enver Hoti ka thënë se partia e tij preferon dhe kontribuon që opozita në zgjedhjet e ardhshme të futet me një listë të përbashkët zgjedhore, e cila garanton ndryshimin.
Hoti ka “kërcënuar” dy partitë tjera opozitare (VV e AAK) se nëse ato nuk dëshirojnë një listë të përbashkët, atëherë Nisma është e gatshme të shkojë pa asnjë problem e ndarë në zgjedhje.
“Nisma këtë insistim për të krijuar një listë të përbashkët si opozitë e bashkuar nuk e bënë sepse ka frikë nga zgjedhjet. Nisma nuk e ka ndërmend me çdo kusht dhe në asnjë formë të hyj në xhep të asnjë subjekti politik. Nisma është duke vazhduar organizimin dhe strukturimin e vet dhe është duke punuar fuqishëm në terren”, ka deklaruar Hoti.
Ai ka thënë se janë të vendosur se ndryshimet mund të ndodhin të bashkuar, por si subjekt politik janë absolutisht të përgatitur dhe të vendosur që të marrim pjesë edhe vet në zgjedhje, ndërsa se si e shohin këtë partitë tjera, ai thotë se është në vullnetin dhe dëshirën e tyre./Tribuna/