Me rastin e 26 vjetorit të themelimit të degës së LDK-së në Prizren, është duke u mbajtur një manifestim ku të pranishëm janë edhe kryeministri dhe kryetari i partisë, Isa Mustafa dhe drejtues të tjerë të këtij subjekti, njofton Klan Kosova.
Fjalën i pari e ka mbajt, kryetari i degës Haxhi Avdyli i cili në fillim ka thënë se kanë nderin që në këtë përvjetor të kujtojnë veteranët e partisë ku dhe ka shprehur falënderimin ndaj tyre.
Ai ka thënë se puna e presidentit historik, Ibrahim Rugova e ka sjell Kosovën në këtë pozitë të mirë, por që ka thënë se ende ka punë për tu bërë.
Avdyli ka lavdëruar punën e Isa Mustafës në qeveri, ku ka thënë se ka arrit që ta zhduk korrupsionin, më tej ka thënë se Kosova është shumë afër anëtarësimin në BE-së pas hyrjes në fuqi të MSA-së.
Ai ka thënë se meritat e krijimit të LDK-së i ka Presidenti Rugova, kurse rrugën e tij duhet ta vazhdojë Mustafa. Ai tha se LDK nëpër tërë Kosovën është duke u rritur.