Lidhja Demokratike e Kosovës, dega në Prizren, edhe një herë ngrit zërin për degradimin urbanistik që po i ndodh qytetit.
“Ndërtimet pa kriter, shkatërrimi i shtëpive të vjetra monumentale, mungesa e hapesirave të gjelbërta, vendosja e kiosqeve vend e pa vend si këpurdhat pas shiut janë të papranueshme dhe aspak të harmonizuara në aspektin urbanistik”, thuhet në kumtesën e kësaj partie.
“Derisa qytëtarët vazhdimisht ankohen dhe kërkojnë hapësira të lira dhe të gjelbërta pushimi dhe rekreacioni, pushtetarët tanë edhe ato pak hapësira i mbushin me kiosqe, vetëm për t’i ngopur apetitet e simpatizantëve të tyre”.
“LDK-ja në Prizren duke qenë krah dhe zë i qytetarit u bënë thirrje institucioneve kompetente që të punohet në interes dhe harmoni me vullnetin e shumicës së qytetarëve, duke e ruajtur traditën dhe imazhin e bukur të qytetit të Prizrenit”. /PrizrenPress.com/
