Gjykata e Apelit në Prizren e ka shpallur fitues Arsim Rexhepin, ish-profesor i Letërsisë dhe qytetërimit gjerman, i cili në vitin 2011 ishte larguar nga puna nga Universiteti i Prizrenit “Ukshin Hoti” pa i përfunduar kontrata e punës.
Afrim Hasi avokat mbrojtës i Arsim Rexhepit, thotë se klienti i tij nuk ka pasur raporte të mira në atë kohë me njërin nga zyrtarët e lartë të Universitetit dhe kështu “në shenjë hakmarrje e kanë larguar nga puna”, shkruan Tribuna. Sipas tij Rexhepi kishte kontratë të punës me kohë të caktuar që fillon nga 1 tetori i vitit 2010.
Avokat Hasi, thotë se UPZ-ja obligohet që Rexhepit t’i paguajë të ardhurat personale në shumën prej 5715 euro.