Deputeti i Partisë Demokratike të Kosovës, Nait Hasani, në një intervistë në Info Magazine të Klan Kosovës, ka thënë se kryetari i ri i PDK-së, Kadri Veseli, duhet ta prishë koalicionin me LDK-në dhe të shkojmë në zgjedhje.
“Në rrethanat politike unë mendoj që zoti Veseli duhet ta prishë koalicionin dhe të shkojmë në zgjedhje”, ka thënë Hasani.
“Duhet t’u jepet mundësia qytetarëve ta shprehin vullnetin, nëse nuk shkojmë në zgjedhje atëherë zoti Veseli do ta ketë vështirë”.
“Në zgjedhje duhet të shkohet, ka një amulli në Kuvend, ka një amulli në jetën politike”, ka thënë Hasani.
“Përpos dy vendimeve pozitive për UEFA dhe vizat asgjë tjetër shpresëdhënëse nuk ka”.
Hasni ka folur edhe për një bashkëpunim të mundshëm me Fatmir Limajn dhe Jakup Krasniqin.
“Për sa i takon bashkëpunimit me NISMA-s, për aq sa i njoh drejtuesit e saj nuk do të ketë një shkrirje në PDK, por një bashkëpunim pas zgjedhjeve është më se i mundshëm”.