Drejtori i departamentit për bashkëpunim civilo-ushtarak, Hajrush Kurtaj së bashku me major Arife Halili, shefe e CIMIC-ut, të mërkurën kanë takuar nënkryetarin e Komunës së Prizrenit, Ruxhdi Rexha.
Gjatë këtij takimi Komuna e Prizrenit dhe FSK-ja kanë nënshkruar një marrëveshje bashkëpunimi për realizimin e ushtrimit fushor nga ana e FSK-së. Ky ushtrim një muajorësh, do të nis nga 20 shtatori dhe do të zgjasë deri më 20 tetor të këtij viti në lokacionuin e fshatit Nashec.
Drejtori i departamentit për bashkëpunim civilo-ushtarak, Hajrush Kurtaj ka falenderuar Komunën e Prizrenit për bashkëpunimin e deritanishëm dhe ka premtuar se do të vazhdoj të ndihmojë edhe në të ardhmën Komunën, konkretisht departamentin për Emergjencë dhe Siguri.
Nga ana tjetër, edhe nënkryetari i Komunës e ka falenderuar FSK-në që përsëri e kanë përzgjedhur Prizrenin për ushtrimin fushor./PrizrenPress.com/