(E plotësuar) Fituesi i “Big Brother Albania 8? Vesel Kurtishaj i është bashkuar sot zyrtarisht Partisë Demokratike të Kosovës.
Me këtë rast, kreu i PDK-së, Kadri Veseli ia ka dorëzuar atij edhe solemnisht librezën e anëtarësismit në këtë subjekt politik, njofton Klan Kosova.
Veseli njëherit i ka bërë thirrje rinisë që t`i bashkohet politiksë dhe ka shtuar se partia që e drejton ai ka nevojë për rini.
Nga ana e tij, anëtari më i ri i Partisë Demokratike të Kosovës, Vesel Kurtishaj deklaroi se shembullin e tij duhet ta ndjekin edhe të rinjtë të tjerë, ndërsa theksoi se ka zgjedhur PDK-në pasi siç tha ai, ky subjekt politik “iu jep hapësirë të rinjve”, njofton Klan Kosova.
Vesel Kurtishaj aderon në PDK
Partia Demokratike e Kosovës ka lëshuar një komunikatë për media, nëpërmjet së cilës ka njoftuar për aderimin e radhës në këtë subjekt politik.
Zyra e Komunikimit e PDK-së ka bërë të ditur se kryetari i ri i partisë, Kadri Veseli, do t’i japë solemnisht Vesel Kurtishajt, fitues i Big Brother 8, librezën e anëtarësimit në PDK.
“Nesër, më 1 Qershor 2016, në ora 9.30, në selinë e Partisë Demokratike të Kosovës, kryetari Kadri Veseli do të jap solemnisht librezën e anëtarësimit në PDK, Vesel Kurtishaj, fitues i “Big brother Albania 8”, thuhet në komunikatën e lëshuar nga PDK.