Një ish garues në versionin meksikan të “The Voice” ka vdekur dy ditë pasi ai u qëllua me armë zjarri derisa ishte duke e festuar ditëlindjen e tij më miqtë në Çikago, njofton Associated Press.
Vdekja e Alejandro “Jano” Fuentes, 45 vjeçar, u konfirmua nga zyra e ekzaminimit mjekësor.
Këngëtari u qëllua tri herë në kokë të enjten vonë pasi kishte dalë nga festa.
Asnjë arrestim nuk është bërë deri më tani në lidhje me të shtënat.
Të shtënat erdhën pothuajse një javë pasi 22 vjeçarja Christina Grimmie, një ish garuese në “The Voice” u qëllua për vdekje, derisa ishte duke dhënë autografe në Orlando, Florida.