Lëndët për Prevallën kanë qenë dhe do jenë prioritet i Prokurorisë së Qarkut në Prizren, bën të ditur kryeprokurori, Sylë Hoxhaj. Ai thotë se gjysma e të dyshuarve janë marrë në pyetje, ndërsa deri në fund të shtatorit, i gjithë procesi do të përfundojë.Për Prevallën në Prokurorinë e Qarkut në Prizren, kanë arritur 21 kallëzime penale, duke përfshirë këtu edhe rastin e tre inspektorëve komunal , bën të ditur kryeprokurori Sylë Hoxhaj.
Ai këmbëngul se Prevalla është prioritet për stafin e tij, ndërsa brenda 10-të ditëve, kur kanë mbërritur këto kallëzime penale, janë ftuar të gjithë personat e gjysa e tyre i është përgjigjur ftesës. Të dyshuarit, janë marrë në pyetje nga prokurori i çështjes, ndërsa sipas Hoxhës, deri në fund të Shtatorit, kjo procedurë , do të përfundojë.
Kryeprokurorë i Prokurorisë Themelore, Sylë Hoxhaj hedh poshtë aludimet se Prokuroria e Qarkut në Prizren, po e zvarrit procesin e Prevallës.
Megjithëse, Ministria e Mjedisit dhe Planifikimit Hapësinorë e ka zhveshur pushtetin lokal nga të gjitha kompetencat për Prevallën, Drejtori i Urbanizmit, Sadik Paçarizi, nëpërmjet telefonit thotë se është i sigurt se që nga vendimi i fundit i kësaj ministrie atje nuk po punohet,shkruan RTK
Ai thekson se, për momentin po i përmbahen urdhëresës së Ministrisë, por në qoftë se Ministria i hyn revidimit të planit për Prevallën, atëherë ai thotë se janë të gatshëm të kontribuojnë me idetë e tyre në këtë plan dhe konservimin e pjesës tjetër të Prevallës, sipas ligjit për parkun nacional të Sharrit.