Shirat e rrëmbyeshëm dhe përmbytjet në jug dhe në lindje të Kinës kanë lënë mbi 200 persona të vdekur ose të zhdukur.
Autoritetet po ashtu raportojnë për dëme të mëdha në prona dhe humbje mbi 7 miliardë dollarë në të korra.
Siç raporton agjencia zyrtare e lajmeve Xinhua, 17 milionë njerëz në provincat Hubei dhe Anhui janë prekur nga përmbytjet.
Shirat e furishëm kanë nisur qysh më 18 qershor dhe meteorologët parashohin vazhdimin e tyre edhe gjatë kësaj jave.