Universiteti “Ukshin Hoti” në Prizren, ka lidhur marrëveshje bashkëpunimi me Universitetin Çanakkale të Turqisë. Marrëveshjen përkatëse e kanë nënshkruar të mërkurën në Prizren, rektori i UPZ-së, Ramë Vataj dhe Yücel Acer, rektor Universitetit Çanakkale.
Rektorët e të dy universiteteve e vlerësuan lartë arritjen e marrëveshjes për bashkëpunim në fushat përkatëse akademike.
Dy institucionet ranë dakord të bashkëpunojnë në fushat, si: Shkëmbimi i stafit akademik dhe administrativ, shkëmbimin e studentëve, hulumtime të përbashkët shkencore dhe studime, pjesëmarrja në seminare dhe takime akademike, shkëmbimi i materialeve të botuara akademike dhe informacione të tjera. /PrizrenPress.com/