Mysafirët e shumtë përveç akomodimit në hotele, ushqimit në restorante, zgjedhin që mbrëmjen ta kalojnë edhe në shtëpi private.
Qyteti që ruan emrin e historisë, aty ku ende tradicionalja lufton me modernen, duke u krekosur për të sfiduar njëra tjetrën, ndryshon komplet pamjen gjatë stinës së verës. Secili që ka dëgjuar për këtë qytet dhe e ka vizituar atë njëherë, është rikthyer sërish, e ndoshta edhe me ndonjë mysafir tjetër.
Një qift i ri nga Gjermania, vetëm kanë dëgjuar për Kosovën, por thonë se kur kanë pyetur se ku është ky vend. Ata i kanë orientuar për në Prizren.
E në këtë stinë, kur vizitorët vërshojnë qytetin e lashtë, politika si duket fashitet në tingujt e muzikës, duke u bërë e pafuqishme për të mbizotëruar në çdo cep të qytetit.
E kur dihet se kultura duhet të triumfojë në këtë sezon, për të ndihmuar ekonominë e vogël, zyrtarët lokal, thonë se çdo vit, po bëjnë sa mundet, që të joshin mysafirë nga të gjithë anët e botës.
Kudo që të shkosh, mund të shohësh bagazhe, fotografë, turistë që shëtisin në grup, e që të gjithë kërkojnë një vend ku mund të pushojnë. Përveç hoteleve, që nuk janë të pakta në këtë qytet mikpritje për vizitorët tregojnë edhe familjarët. Fatmira Kryeziu, thotë për RTK-në se ka disa mysafirë,nga vende të ndryshme të rajonit.
”Koha kalon shumë shpejt këtu, thonë disa mysafir të tjerë, por ka shumë mangësi në orientim, pak ka tabela që, mund të na shpjegojnë se çfarë përfaqësojnë objektet që ne i vizitojmë. Kur të vijmë herën tjetër këtu, shpresojmë të shohim progres”, thonë ata.