Fituesi i medaljes së artë Ryan Lochet dhe anëtarë të tjerë të ekipit amerikan olimpik të notit janë vjedhur në Rio, njofton sot BBC, transmeton Syri.net
Lochet, Gunnar Bentz, Jack Conger dhe Jimmy Feigen u ndaluan nga disa njerëz që u prezantuan si policë të armatosur, tha Komiteti Olimpik i SHBA në një deklaratë. Grabitësit u kërkuan paratë dhe sende të tjera personale.
Fillimit Komiteti Olimpik Ndërkombëtar e mohoi grabitjen, para se Komiteti i SHBA të konfirmonte se ajo kishte ndodhur.
Lochet tha në Twitter se ai dhe sportistët e tjerë ishin “të sigurtë dhe padëmtuar” dhe falenderoi të gjithë ata që i kishin mbështetur. Grupi kishte qënë në një festë tek shtëpia e pritjes e ekipit olimpik francez kur taksia ku ndodheshin u ndalua në fshatin e sportistëve.
Lajmet për incidentin së pari erdhën nga nëna e Lochte, Ileana, e cila tha për “USA Today” se djali nuk kishte pësuar gjë, por ishte i tronditur nga vjedhja.
“Unë mendoj se të gjithë ata janë të tronditur,” tha ajo.
Gjatë lojërave, tre anëtarë të ekipit olimpik spanjoll dhe paraolimpik Australian janë grabitur, citon syri.net.
Autoritetet braziliane kanë vendosur më shumë se 80 mijë policë dhe ushtarë që të patrullojnë rrugët e Rios gjatë lojërave.
Më 5 gusht, edhe dy trajnerë të rremave u vodhën nën kërcënimin e thikës në plazhin Ipanema, siç tha Komiteti Olimpik Australian.
Më 6 gusht, koordinatori i sigurisë për ceremoninë e hapjes u vu në shenjestër të një tentative vjedhjeje dhe ai e la stadiumin Maracana të nesërmen që në mëngjes – rojet e tij hapën zjarr mbi sulmuesit duke vrarë një prej tyre.
Më 6 gusht, ministri i Arsimit të Portugalisë u brabit në Ipanema ndërsa po kthehej nga një ndeshje çiklizmi./Syri.net