Policia ka theksuar se prej 05 deri me 13 gusht 2016, në Prizren përkundër pranisë së madhe të qytetarëve dhe pjesëmarrjes rekorde të shtëpive filmike nga 57
shtete, është arritur që rendi dhe qetësia publike të jetë e kënaqshme dhe të mbahet nën kontroll.
Në edicionin e 15-të të festivalit të filmit të shkurtër dhe dokumentar DokuFest kanë marr pjesë prej 15 mijë deri në 25 mijë mysafirë mes të cilëve edhe ambasadorë t ëvendeve të ndryshme të akredituar në Kosovë.
Kështu ka bërë të ditur policia e Kosovës e cila ka theksuar se nga nga data 05 deri me 13 gusht 2016, në Prizren përkundër pranisë së madhe të qytetarëve dhe pjesëmarrjes rekorde të shtëpive filmike nga 57 shtete, shfaqjes së rreth 238 filmave, është arritur që rendi dhe qetësia publike të jetë e kënaqshme dhe të mbahet nën kontroll”, thuhet në reagimin e Policisë së Kosovës.
Policia thotë se e gjithë kjo është arritur falë përkushtimit dhe angazhimit maksimal të të gjitha njësiteve relevante policore që ofruan siguri për qytetarët dhe pjesëmarrësit në festival. Sa i përket komenteve publike të deputetit, Zafir Berisha i cili Doku Fest-in e cilëson si ”Doku Drogë” dhe Doku Prostitucion, policia ka sqaruar se për posedim të paautorizuar, shpërndarje dhe shitje e substancave narkotike gjatë DokuFest-it, janë iniciuar 19 raste dhe janë ndaluar me urdhër të prokurorit 5 persona kurse 14 të dyshuar ndiqen sipas procedurës së rregullt.
Ky institucion thekson se të gjitha rastet e raportuara nuk ia zbehin imazhin dhe vlerën e festivalit dhe konsiderohen raste të izoluara që nuk paraqesin rrezikim të sigurisë individuale ose të përgjithshme për pjesëmarrësit./KultPlus.com