Me aktivitetin artistik nga kolonia e artistëve, Art Sympozium, u mbyll edicioni i 15-të jubilar i Festës së Vjeljes së Rrushit, HardhFest 2016.
Në Hardh Galery, pjesëmarrës ishin kryetari i Komunës së Rahovecit, Idriz Vehapi, stër-mbesa e Skënderbeut, Sofie Kastrioti, dhe artistë ndërkombëtar.
Kryetari i Komunës së Rahovecit, Idriz Vehapi inkurajoi artistët që të vazhdojnë me punën e tyre dhe të begatojnë këtë sferë, teksa rikonfirmoi mbështetjen e pakursyer për organizimin e HardhFest.
Fehmi Hoxha, drejtor i Urbanizmit, Planifilimit dhe Mbrojtje te Mjedisit në Komunën e Rahovecit dhe udhëheqës i kolonisë së artistëve, shprehu mirënjohjen për realizimin e suksesshëm të aktivitetit dhe të HardhFest. Ai falënderoi artistët nga mbarë bota që morën pjesë në festival duke i inkurajuar që ata sërish të jenë pjesë e festivalit.
Ekspozitën e hapi dhe njëkohësisht e mbylli festivalin HardhFest, kryesuesi i Këshillit, Emrullah Spahiu, i cili ka thënë se arti gjithmonë do të cilësohet vlerë nga HardhFest.
Ai falënderoi kryetarin Vehapi për përkrahjen e festivalit, duke ftuar të gjithë në HardhFest 2017, puna për të cilin do të nisë menjëherë!
Në edicioni 15-të i festes së rrushit HardhFest 2016 u shënua nën moton ‘Për Kokërr t’Qefit’, në kuadër të aktiviteteve kulturore dhe artistike pjesëmarrës ishin grupi muzikor Elita 5 , Troja dhe shume artist si nga Kosova, Shqipëria dhe e gjithë Bota. /PrizrenPress.com/