Magjia që ka dhuruar me topin ky lojtar do të kujtohet gjatë.
Ai e përdorte topin sikur ta kishte pjesë të trupit të tij dhe driblimin si magjinë që befasonte kundërshtarët. Por vjen një moment që magjia mbaron jo nga dëshira por nga mosha.
Legjenda braziliane, Ronaldinjo ka pranuar se tashmë është i vjetër, por insiston se dëshiron të luaj edhe një sezon.
Ai tha se e kupton se nuk është më 26 vjeçar dhe karrierës së tij po i vjen fundi.
“Unë jam një njeri i vjetër tashmë, jam 36 vjeçar. Nuk jam më 26 vjeçar dhe jam duke menduar për të përfunduar karrierën. Por, plani është që të luaj edhe një edicion”, tha Ronaldinho gjatë një konference për media.