Kryetarit të nëndegës së AAK-së në Drenoc, Burim Zyberaj sot i është dhënë lamtumira e fundit.
Është kreu i AAK-së në degën e Rahovecit, Smajl Latifi ai i cili ka bërë të ditur lajmin për ndarjen nga kjo jetë e njërit prej udhëhqësve të partisë së Haradinajt në rajonin e Rahovecit.
Zyberaj ka ndërruar jetë pas një sëmundje të rëndë.
Ky është postimi i Latifit:
Sot ishte kohë me shi dhe ne bashkë e që ishim shumë, me dhembje e pikëllim u ndamë fizikisht dhe ia dhamë lamtumirën e fundit bashkëpunëtorit, aktivistit të përkushtuar dhe kryetarit të nëndegës së AAK-së në Drenoc, juristit me master- 30-vjeçarit Burim Zyberaj!
Të qoftë i lehtë dheu i kësaj toke!
Qofsh për jetë e mot i paharruar, Kryetar BURIM ZYBERAJ!