Në kuadër të Programit Përkrahës për Shëndetësi në Kosovë – KSV/017”, implementuar nga LuxDev dhe Ministria e Shëndetësisë, një grup i përzgjedhur i Spitalit të Prizrenit ka qenë pjesë aktive e punëtorisë dy ditore së bashku me udhëheqësen e projektit, Dr. Afërdita Ademi-osmani, dhe ekspertët ndërkombëtarë Prim.dr. msc, Dorjan Marushiq, ekspert i politikave shëndetësore dhe Msc. Jakop Ceglar, ekonomist shëndetësor
Punëtoria është vlerësuar e suksesshme nga udhëheqësja e programit, Dr. Afërdita Ademi-Osmani, si dhe nga drejtori i spitalit të Prizrenit, Prof. Ass. Dr. Afrim Avdaj.
“Punëtori jashtëzakonisht e frytshme, me pjesëmarrje të mrekullueshme dhe profesionale të stafit të Spitalit të Prizrenit, si dhe me një përgatitje paraprake për çështjet strategjike. Grupet punuese në mënyrë të suksesshme kanë definuar misonin, vizionin, filozofinë e biznesit, objektivat strategjike dhe specifike për zhvillimin e Planit Strategjik Pesëvjeçar të Spitalit të Prizrenit”, -tha dr. Afërdita Ademi-Osmani, udhëheqëse e Programit KSV/017.
“Vërtetë ka qenë një punëtori e suksesshme. I gjithë grupi ka treguar përkushtimin për të dhënë kontributin maksimal në të gjitha detyrat e dhëna. Unë në emër grupit punues, gjithë punëtorëve të spitalit të Prizrenit dhe në emrin tim personal falënderoj Qeverinë e Luiksemburgut dhe Ministrinë e Shëndetësisë që spitalin e Prizrenit e ka përzgjedhur të jetë pjesë e projektit. Gjithashtu falënderoj edhe udhëheqësen e projektit, dr. Afërdita Ademi- osmani, si dhe ekspertët ndërkombëtar Dornjan Marushiq dhe Jakob Ceglar. Ju siguroj se do të jemi të përkushtuar të kryejmë të gjitha detyrat që kërkohen nga ne, me qëllim që projekti të realizohet në tërësi”,-theksoi drejtori i spitalit të Prizrenit, Prof. Ass.Dr. Afrim Avdaj.
Punëtoritë do të vazhdojnë edhe gjatë muajit janar dhe shkurt me qëllim që dokumenti final të jetë sa më i kompletuar.