Deputeti i LDK-së, Anton Quni ka vlerësuar lart punën e Policisë dhe institucioneve për ndaljen e trenit serb.
“Një vlerësim prej një deri në dhjetë, unë e jap notën dhjetë. Ndjehem mirë kur ne i tregojmë shtetit tonë fqinj, se ne jemi shtet”, ka thënë Quni në mbledhjen e sotme të Komisionit për Punë të Brendshme.
Quni ka pyetur ministrin e Punëve të Brendshme, Skender Hysenin se si ka rrjedhur kronologjia e krejt këtij aksioni, dhe se nëse është e vërtetë se presidenti Hashim Thaçi ka dhënë urdhër për ndaljen e këtij treni.
“Në media kemi marrë informata se ka pasur ndërhyrje jashtë këtij institucioni, a mundeni me na tregu hierarkinë si ka rrjedhë kronologjia, pasi presidenti pretendon se ka dhënë urdhëra drejtpërdrejtë, nëse po, duhet ta dimë”.