Manchester United ka barazuar 1:1 në ndeshjen ndaj Rostov në Ligën e Evropës.
Jose Mourinho ka reaguar ashpër për gjendjen e fushës në stadiumin e skuadrës ruse Rostov, aty ku Manchester United nuk mori më shumë se një barazim 1:1 në ndeshjen e parë të 1/8 së finales në Ligën e Evropës.
‘Djajtë e Kuq’, kanë pasur epërsinë me golin e Henrikh Mkhitaryan por Aleksandr Bukharov ka barazuar për të vendosur rezultatin përfundimtar të këtij takimi, transmeton KosovaPress.
“Ishte një paraqitje shumë e mirë në krahasim me kushtet në të cilat kemi luajtur”, ka thënë Mourinho për gazetarët.
“E ke të pamundur të luash më mirë, ishte e pamundur të luanim me pasime të shkurta. Ne luajtëm ashtu siç kërkohej dhe këtë e bëmë mjaft mirë. Pësuam nga një gabim i vetëm”, ka theksuar.Gjendja e fushës në stadiumin e Rostov është kritikuar nga Mourinho edhe para se të zhvillohej kjo ndeshje.