Ylli i Liverpoolit, Philippe Coutinho ka hedhur poshtë ofertën e Real Madridit.
Mediat spanjolle shkruajnë se klubi ‘mbretëror’ është i interesuar për brazilianin, por lojtari ka reaguar mënjëherë duke hedhur poshtë çdo mundësi për t’iu bashkuar madrilenëve.
Krerët e Real Madridit e shohin Coutinhon zëvendësim adekuat për Iscon ose James Rodriguez të cilët në fund të këtij sezoni pritet të largohen nga ‘Los Blancos’. Por, siç raportojnë mediat në ishull, Coutinho, i cili prej kohësh kërkohet nga Barcelona, ka hedhur poshtë mundësinë e transferimit në ‘Bernabeu’.
Në qoftë se braziliani vendos të largohet nga ‘Anfield’, ai do të shkonte tek Barcelona, ku do të bashkohej me bashkëkombësin e tij, Neymar.Por, për momentin, Coutinho ka bërë të qartë se ai është i lumtur në Angli.