Rodrigo Bentancur do i bashkohet Juventusit sezonin e ardhshëm pasi kampioni në Serie A ka rënë dakord për të paguar tarifën fillestare prej 9.5 milionë euro te Boca Juniors.
Mesfushori 19-vjeçari nënshkroi marrëveshje pesë vjeçare me gjigantin në Torino dhe zyrtarisht do të bëhet lojtari i Juventusit më 1 korrik duke i dhënë fund dy sezoneve të kaluara si lojtar startues te Boca.
Bentancur është një produkt i sistemit të të rinjve te Boca dhe klubi argjentinas ka rënë dakord të pranoj fillimisht 50 për qind e tarifës së transferimit për futbollistin uruguaian.
I njohur ndryshe si ‘Lolo’, Bentancur iu bashkua Bocas në moshën 14-vjeçare dhe debutoi te skuadra kryesore në prill të vitit 2015 në moshën 17-vjeçare.