Kandidatët e LDK-së për deputetë nga Prizreni, mbrëmë kanë mbajtur një tubim me anëtarë dhe simpatizantë të këtij subjekti politik me nëndegët “ 11 Marsi” dhe “ 2 Korriku” në qytet.
Kandidatët për deputetë në listën e LDK-së nga Prizrenit, Haxhi Avdyli, Anton Quni, Afërdita Morina –Biffar, Sadije Osaj – Jakupi, si dhe kandidatët Driton Selmanaj e Kastriot Jahaj, kanë zhvilluar një bashkëbisedim me anëtarë dhe simpatizantë të LDK-së në këto dy nëndegë.
Afërdita Morina – Biffar dhe Haxhi Avdyli, kanë folur për rëndësinë që ka kanë zgjedhjet e 11 qershorit për të ardhmen e vendit, duke thënë se LDK ka ofertën më të mirë për qytetarët që të votohen.
Sadije Osaj- Jakupi ka thënë se do të jetë një zë i fuqishëm i për respektimin e të drejtave të grave, ndërsa Anton Quni tha se LDK do të fuqizohet edhe më tepër shumë shpejtë si ushtri e Ibrahim Rugovës, për të fituar besimin e shumicës së qytetarëve për të vazhduar me qeverisjen e mirë, e cila shumëkujt i pengoi.
Në këto tubime kanë folur edhe kandidatët e listës së koalicionit LDK, AKR dhe Alternativa nga Prizrenit, Kastriot Jahaj dhe Driton Selmanaj, të cilët kanë ftuar qytetarët që të dalin masivisht në zgjedhje dhe të mbështeësin listën e kandidatëvë të këtij koalicioni. /TV Prizreni/
