Në bazë të rezultateve preliminare, këto zgjedhje për shumicën e partive ishin më të dobëta sesa ato të vitit 2014, si në nivel vendi ashtu edhe në atë komunal.
Kjo ndodhi edhe në Suharekë, me koalicionin PDK-AAK-NISMA dhe atë LDK-AKR, ku patën vota të përgjysmuara.
Të dielën PDK-AAK-NISMA ka marrë përgjysmë vota më pak se në zgjedhjet e përgjithshme 2014, kur tri subjektet konkurruan vetëm.
Nëse e krahasojmë më qershorin e 2014, këto parti së bashku kishin 16 mijë e 200 vota, përderisa në këto zgjedhje së bashku kanë marrë 9 mijë e 600 vota.
Nga kjo situatë nuk përjashtohet as koalicioni LDK-AKR, ku në bazë të rezultateve preliminare ky koalicion ka marrë 7 mijë e 558 vota, përderisa në zgjedhjet e 2014-ës, LDK ka marrë 8 mijë e 817 vota dhe AKR 585 vota që i bie 9 mijë e 402 vota gjithsej.
Mirëpo, përveç përgjysmimit të votave, ka edhe dyfishim të tyre.
Kjo ndodhi me Lëvizjen Vetëvendosje ku rezultatet preliminare thonë se LVV ka marrë 4 mijë e 121 vota përderisa në zgjedhjet e 2014 numëronte 2 mijë e 166 sosh.