Në 10 vjetorin e edicionit jubilar të festivalit të filmit “Nine Eleven” pritet një konkurrencë më e fortë mes filmave pjesëmarrës, dhe sipas organizatorëve pritet të ketë shumë gjëra interesante. Festivali nën përkujdesjen e Blerim Gjocit ka përzgjedhur tetë filma për t’i sponsorizuar.
Gjithashtu, Blerim Gjoci përmes rrjetit social Facebook, ka treguar se me përkrahjen e këtij festivali kanë diplomuar 14 studentë të Fakultetit të Artit në Prishtinë.
9/11 i cili organizohet çdo vit në shenjë respekti për Shtetet e Bashkuara të Amerikës me dedikim viktimave të 11 shtatorit të vitit 2001, pritet të fillojë me 7 të këtij muaji dhe zgjatë deri më datën 11 edhe këtë vit sjellë filma nga me të ndryshmit.
Ndërkohë që regjisori fitues me filmin “Kati V” i vitit të kaluar i këtij festivali Ben Apolloni do të jetë sërish pjesë e “Nine Eleven” me filmin “Burri”, film që në qendër ka komplekset e një burri për shkak se ka vetëm vajza dhe jo djem.
Në këtë festival nuk do të mungojë as tema për pozitën e femrës në raport me gjininë e kundërt. Këtë e sjellë skenaristja dhe regjisorja Arlinda Morina me filmin “Rrobaqepësja”.
Një tjetër film qe financohet nga ky fesival është “Agonia” me skenar dhe regji të Esat Fejza. Sipas regjisorit filmi ka për qëllim ta edukoi shikuesin që me çdo kusht të piqet dhe të pajtohet me fatin e tij.
“Manual për inicimin e Luftës së Tretë Botërore” me skenar dhe regji tëBirolUrçan, është një nga tetë filmat e financuar nga ky festival.
Sipas regjisorit Urçan shuma për realizimin e këtyre filmave të shkurtër që vijen ga Festivali është simbolike.
“Të hollat që vijnë prej festivalit janë simbolike, nuk janë në paralele me vlerën e punës që ofrohet, por nga ana tjetër jemi në një vend ku filmi e filmi i shkurt nuk janë hiç faktor, në një vend ku fakti që dikush është qu me prodhu filma të shkurtë është çudi, atëherë natyrisht që krejt ai investim jep rezultate shumë të mëdha”, ka thënë për Kosovapress, regjisori dhe skenaristi Birol Urçan.
Në këtë festival do të marrin pjesë tetë filma të përkrahur nga PrishtinaFilmi:
“Agonia”, skenari dhe regjia Esat Fejza,
“Burri”, skenari dhe regjia nga Ben Apolloni,
“Rrota”, skenari Diturie Neziraj dhe Fisnik Muji, regjia Fisnik Muji,
“Faji i pafaj”,skenari Sarandë Rugova dhe regjia Fitim Shala,
“Rrobaqepësja”,skenari dhe regjia Arlinda Morina,
“Manual për inicimin e Luftës së Tretë Botërore”,skenari dhe regjia BirollUrçan,
“Hyrja e tretë”, skenari Artan Korenica dhe regjia Blerta Basholli,
“Porosia”, skenari Shqipe Kadriu dhe regjia Ekrem Xani.