Zvogëlimi i përkrahjes financiare nga ana e Komunës së Prizrenit nuk ka ndikuar në intensitetin e përgatitjeve për edicionin e 16-të të festivalit ndërkombëtar të filmit dokumentar dhe të shkurtër, “DokuFest”.
Vullnetarë të shumtë me fanella të bardha, ku dominon mbishkrimi “Future” (E ardhmja), që është edhe tema e sivjetme e “DokuFestit”, të enjten kanë qenë të pranishëm në 10 lokacione të ndryshme, në të cilat do të operojnë kinematë e festivalit gjatë nëntë ditëve të ardhshme. Nga tetë sa ka pasur vitin e kaluar, sivjet festivali është zgjeruar në dhjetë kinema.
Sipas drejtoreshës së festivalit, Nita Deda, gjithçka është gati për hapjen e edicionit të radhës të “DokuFest”