Gjashtëmbëdhjetë vjet më parë, kur një grup miqsh nisën të shfaqnin filma në qytetin e Prizrenit, nuk do ta paramendonin se në të ardhmen ai do të bëhej një prej festivaleve më të mëdha në vend.
Viti 2017 e gjen në mesin e ngjarjeve kulturore më me ndikim edhe në rajon. E ka vendosur Kosovën në hartën kulturore të botës, ka ndihmuar në ngritjen ekonomike jo vetëm të Prizrenit me turizëm, përderisa ka sjellë filmbërës me nam botëror, shkruan Sihana Klisurica për numrin e sotëm në “Koha Ditore”.
“DokuFesti” pa dyshim se ka prekur edhe aspektin social, për shkak të programeve që sjell çdo vit a temave që trajton, në mesin e tyre të drejtat e njeriut, mbrojtja e ambientit, ballafaqimi me të kaluarën, korrupsioni e thirrja për ndryshim. Në edicionin e 16-të shikon në të ardhmen. Aq larg, saqë shkon në vitin 2101.