Deputeti nga Nisma, Zafir Berisha ka befasuar kur ka thënë se nuk do ta votojë Qeverinë Haradinaj.
Ai përmes një postimi në llogarinë e tij në Facebook ka dhënë edhe arsyet se pse vota e tij nuk shkon për Qeverinë në krye me Ramush Haradinaj që pritet të votohet në seancën e sotme.
Sipas tij, “kumbara e këtij koalicioni është kryehajduti i Kosovës, Hashim Thaçi”, njofton Klan Kosova.
Më poshtë statusi i tij i plotë:
Miq të nderuar dhe ju qytetarë të Kosovës të cilët më keni besuar që të ju perfaqësoj në Kuvendin e Republikes!
Me gjithë respektin tim personal për Ramushin.
Mendoj se respekti për Kosovën dhe institucinet tejkalon atë ndaj individit, prandaj dëshiroj që të ju bëj me dije arsyet e mia se pse nuk do ti jap besimin kësaj Qeverie.
1. “Kumara” i këtij koalicioni është kryehajduti i Kosovës Hashim Thaqi, personi përgjegjës për dështimin e shtetit i cili është bë me shumë sakrific e gjakë…
2. Çasja jo korrekte, jo parimore dhe ofenduse e familjes Pacolli dhe Listës Serbska lidhur me Qeverinë e re Haradinaj.
3. Emra jo të denjë me të kaluarë të dyshimt korruptive si dhe protagonist të aferës “PRONTO”.
Ka edhe 101 arsye pse nuk duhet të keqpërdori besimin tuaj dhe ta votoj këtë kombinim qeverisës, ndërsa nuk e kam as edhe një arsye të vetme pse duhet të veproi ndryshe.